lunes, 21 de diciembre de 2009

mugatuarena

Olerkiak idazten dittut
erraxago zaitelako
idei bat hogei lerrotan baino
sentsazio multzo bat
bakarrean entsaiatzia.

atzera begira

Atzera begira
beti idazten da atzera begira
paperan utzitako arrastoak
egitten duen modura,
heldu denari prest.

five rupi

Hor dator bertze bat
etxeko lehiotik ikusten ez den
errealitatearen orbainak airean
hemen edo han jaiotzearen
kasualitatearen ondorioak erakutsiz

(kasualitatearen) kapritxo horrek
errudun egitten gaittuelako nolabait denak
momentu hortan ezin duzu gehiago
informazio gehiegi, pentsatzen du zure buru emozionalki aburgesatuak
..eta ez begiratzeagatik ikusten duzunak
jarraitzen dizu,begiak ixten dittuzunean.

oh,yea!!

Turista bakartiak
multzotan biltzen dire
beren lurraldetik urrunegi
senti ez daittezen
egindako bidaietaz hitzegitera

(..eta hura wonderfull!!
eta bertzea amazing,
feeling eta sensation)

parean dutenatik
indiferentziazko begira entsaiatu bat
pasiatzen duten bittartean.

nahiko!

nahiko!
erran dute bota zaharrek
harat-hunat aspalditik eraman ondoren

ez dute jada
azken orduko zirujiarik ameitzen
nahiz eta niri
oraindik berriak daudela irudittu

pena eman dit
nonbait, kontuak
eta sokak behintzat gordetzea erabaki dut
hurrengoei jartzeko
lehen eta orainaren artian
zubi modu bat sortuz

..nagoen tokian nagoela
nagoenarekin nagoela
datorren pausura lotu nazaten.

edo ez

poetari beti falta zaizkio hitzak
behar dittuen momentuan,
horregatik pasatzen du
bertze denbora guztia
littezkeen formak asmatzen.

puuuum!!

paraje hauetan
amodiorik gabe ezkontzen dire.

grazia egitten die gureak
su hori lehenengo urteek
errausten dutela diote,
horregatik dela su
praktikotasunetik planteatzeak
emaitza askoz obeak dittuela
..eta seguraski ez zaie arrazoik falta

(hainbertze jende metatzen dittuen lurralde hontan
gauero daude ezkontzak
eta han-hemenka ikus daittezke
ditxosozko su-ziria, momentua argitzen)

begira nengoela,beraien erlazioek
eztandaren ondoren geldittutako ixiltasunaren
kolorea dutela otu zait.

jueves, 17 de diciembre de 2009

lehiotik

Esperuan dago agurea
lurrean exerita,zigarroa eskutan duela
urrengo klientea noiz ailetuko,begira.

ez dauka prisik
bere lana zaharra da eta

jendeak,kasik deseginak dauden zapatak ekartzen dizkio
berak berpiztu ditzan,
inoiz ez da herritik ateri
zenbat distantzi moldatu dittuen
ez du inoiz jakingo.

agra

Amodioaren tenpluaren inguruan
haurrak oin hutsik dabiltza
plastikozko mendixken artean,zakarrarekin jostetan
agian etorkizunarekin ezkutuka

armak ere daude,pila
amodioaren tenpluaren inguruan
presentzi bortitz horrekin segurtasuna deittutakoa bermatuz
katastrofearen klik-atik zein urbil gauden antzi ez dezagun

eta beti telebista bat
eta bertan kriket-a
eta egunaren ordu guztiak
hori dena anzten saiatzeko

kontrasteen lurralde hontan
(eta metaforak zerbait erran nahi duela irudittu zait)
amodioaren tenpluaren erdian
hilobi bat dago.

martes, 8 de diciembre de 2009

erreka

bidaiak bidaiaren barnean
ametsak fedearen erresuman
gainetik, edonon
galdera bat bueltaka:
..eta ero baten errealitatea,
irreala al da?

lunes, 7 de diciembre de 2009

dei hoiek

Lesakako inhauterietan
aspaldiko laguna topa nun,aspaldi
-zertan arittu zara?- galdetu zidan
eta ohartu orduko
hitzak irentsiak genizkion elkarri

( ..deittuidazu,deittukozattut..)


Biharamunean,bere gustua neukan ezpainetan
eta hurrengo egunetan,larrutik behatz puntetara irrixten joan zitzaidan
geroztik,otsail batez berarekin amets egin nuela
pentsatu izan dut

..telefonoak ez du inoiz
bere doinuarekin jo.